Xadyatillo - Ostonadan qaytgan sovchilar

Ostonadan qaytgan sovchilar,
Mening ismim aytgan sovchilar,
Mendan uzr, sevgimdan uzr,
Ostonadan qaytgan sovchilar.

Biri onam, birlari xolam,
Ko`zlariga tor bo`lib olam,
Nahot shuncha baxtsiz deb bolam,
Ostonadan qaytgan sovchilar.

Bilmay sevdim olovni, muzni,
Bilmay sevdim bahorni, kuzni.
Endi qanday yupatay sizni?
Ostonadan qaytgan sovchilar.