Asliddin Do'stov - Kechir bolam

Bir kun kelib keksayib qolsam
Gapirishdan yurishdan tolsam
Seni qiynab tashvishga solsam
Injig'ligim kechirgin bolam

Ust boshimni bulg'alasa loy
Yanog'imda qolmasa chiroy
Dasturxonga to'kib qo'ysam choy
Injig'ligim kechirgin bolam

Tashvish bo'lsam yil o'tgan sari
Ezmalansam bola singari
Yuzingni hech burmagin nari
Injig'ligim kechirgin bolam

Xasratlarim qalashib ketsa
Injig'ligim sal oshib ketsa
So'zlarimdan harf tushib qolsa
Injig'ligim kechirgin bolam